Question 1

რა არის გრეის ჰოპერის ტექ დაჯილდოების მიზანი?

Accepted Answer

გრეის ჰოპერის ტექნოლოგიური დაჯილდოების მიზანია, საქართველოში ტექნოლოგიების ინდუსტრიაში მრავალფეროვნებას შეუწყოს ხელი. ჯილდო სხვადასხვა კატეგორიაში გამოავლენს გოგოებსა და ქალებს STEM სფეროში რომლებსაც განსაკუთრებული მიღწევები აქვთ და წარმოადგენენ სხვებისთვის მისაბაძ მაგალითს. ჯილდო ასევე გადაეცემა ტექნოლოგიურ კომპანიას რომელიც ქალების გაძლიერებას ემსახურება. პროგრამა ასევე გამოავლენს ინოვაციურ ტექნოლოგიურ პროდუქტს (სტარტაპს) რომლის იდეის ავტორი შემქმნელი ან მმართველი ქალია.

პროგრამა უკვე მეოთხე წელია მიმდინარეობს.

Question 2

როდის იწყება და სრულდება ტექ დაჯილოდებაზე რეგისტრაცია?

Accepted Answer

გრეის ჰოპერის ტექ დაჯილდოება 2024-ზე რეგისტრაცია იწყება 8 მაისს და გაგრძელდება 20 მაისამდე.

Question 3

რა ნომინაციებში შემიძლია დავრეგისტრირდე?

Accepted Answer

გრეის ჰოპერის ტექ დაჯილდოება 2024-ის ნომინაციებია:

1. აღმოჩენა ახალ თაობაში
2. ტექ ლიდერი
3. გამორჩეული მეცნიერი
4. ინოვაციური ტექ პროდუქტი
5. ლიდერი კომპანია ქალების გაძლიერებისთვის

Question 4

როგორ უნდა დავრეგისტრირდე?

Accepted Answer

რეგისტრაციის გასავლელად, გთხოვთ, მიყევით ბმულს. 
https://www.techawards.ge/home-1 (https://www.techawards.ge/home-1)

აირჩიეთ კატეგორია და დარეგისტრირდით.

Question 5

შემიძლია სხვისი ნომინირება?

Accepted Answer

დიახ, დაჯილდოებაზე შეგიძლიათ წარადგინოთ როგორც საკუთარი თავი, ასევე სხვა ადამიანი. ეს წესი მოქმედებს პროდუქტისა თუ კომპანიის წარდგენის შემთხვევაშიც.

Question 6

თუ წინა წლებში მივიღე კონკურსში მონაწილეობა და ვერ გავიმარჯვე, შემიძლია ახლაც ვცადო?

Accepted Answer

დიახ, განაცხადის წარდგენა შეუძლია ნებისმიერ კანდიდატს, მათ შორის, გასული წლების ფინალისტებსაც (გამარჯვებულების გარდა).

Question 7

შემიძლია თუ არა რამდენიმე ნომინაციაში მონაწილეობის მიღება?

Accepted Answer

ერთი და იმავე კანდიდატის წარდგენა შეიძლება ერთზე მეტ კატეგორიაში, თუ ის პასუხობს საკვალიფიკაციო მოთხოვნებს. კანდიდატი თითოეულ კატეგორიაში დამოუკიდებლად შეფასდება.

Question 8

ვინ არიან ჟიურის წევრები?

Accepted Answer

• ჟიურის წევრები არიან ადგილობრივი და საერთაშორისო დარგის ექსპერტები და პროფესიონალები სხვადასხვა სფეროდან;
 • თითოეული ჟიურის წევრი დამოუკიდებლად აფასებს წარმოდგენილ განაცხადს და ანიჭებს შესაბამის ქულებს;
 • ჟიურის გადაწყვეტილებით დისკვალიფიცირდება ისეთი მონაწილე, რომელიც აპლიკაციის შევსებისას წარადგენს არასწორ მონაცემებს ან შეეცდება ჟიურის შეცდომაში შეყვანას, ასევე ჟიურის შეხედულებისამებრ არაკეთილსინდისიერი გზით შეეცდება მოიპოვოს მომხმარებელთა მხარდაჭერა, ადგილი ექნება მონაცემთა გაყალბებას, ან ისეთ ქმედებებს, რომლებიც არღვევენ საერთაშორისო პრაქტიკაში დამკვიდრებულ ბიზნეს ეთიკის ნორმებს;
 • შემოტანილი აპლიკაციებიდან პირველ ეტაპზე ჟიური გამოავლენს ფინალისტებს (3) თითოეულ ნომინაციაში, რომლებიდანაც საბოლოოდ შეირჩევა 1 გამარჯვებული თითო ნომინაციაში. პროექტის ფარგლებში ჯამში გამოვლინდება 5 გამარჯვებული;
 • ჟიურის გადაწყვეტილება ნებისმიერ საკითხზე არის საბოლოო და არ ექვემდებარება გასაჩივრებას.

https://www.techawards.ge/home-2 (https://www.techawards.ge/home-2)

Question 9

ვინ არიან წინა წლების გამარჯვებულები?

Accepted Answer

წინა წლების გამარჯვებულების შესახებ ინფორმაციის სანახავად, გთხოვთ, გადადით ბმულზე.

Question 10

როგორია შეფასების კრიტერიუმები?

Accepted Answer

გრეის ჰოპერის დაჯილდოების მონაწილეებს აფასებს დამოუკიდებელი ჟიური. თითოეული კატეგორიის კრიტერიუმების ნახვა შეგიძლიათ შესაბამის გვერდებზე.

Question 11

ნომინაციაში გამარჯვების შემთხვევაში, რა პრიზია დაწესებული?

Accepted Answer

თითოეულ კატეგორიაში გამარჯვებული პროექტის პარტნიორებისგან მიიღებს 10,000 ლარის ოდენობით მხარდაჭერას, რაც წინასწარი შეთანხმებით მოხმარდება:
 • გამარჯვებულის განათლებას და განვითარებას, საერთაშორისო პროექტებში მონაწილეობას;
 • პროგრამებისა და ინიციატივების განხორციელებას;
 • პროდუქტის განვითარებას.

Question 12

როდის არის ფინალისტების გამოვლენა და ფინალური ღონისძიება?

Accepted Answer

ფინალისტები 14 ივნისს გამოვლინდებიან, ფინალური ღონისძიების ჩატარება კი 5 ივლისს.

Question 13

ვინ არიან პროექტის პარტნიორები?

Accepted Answer

გრეის ჰოპერის ტექნოლოგიური დაჯილდოება 2024-ის პარტნიორები არიან

• VISA
 • UN Women
 • UGT
 • Lineate

Question 14

სად შეიძლება ვადევნოთ თვალი პროექტის მსვლელობას?

Accepted Answer

პროექტის მსვლელობას შეგიძლიათ თვალი ადევნოთ ამ ვებსაიტზე ან თიბისი ტექნოლოგიების ფეისბუქის გვერდზე.(https://www.facebook.com/TechTBC)

Question 15

როგორ დაგიკავშირდეთ?

Accepted Answer

techaward@tbcbank.com.ge (mailto:techaward@tbcbank.com.ge)

+(995 32) 227 27 27